W3C основни стилови

Original: http://www.w3.org/StyleSheets/Core/Overview.html
Преведено од: Macedonia Travels

Имајте во предвид дека ова е превод на оригиналниот W3C документ и е во сопственост на W3C. Не преземаме никаква одговорност за грешки во копијата.

Основните стилови (стилски листови) на W3C на авторите им нудат лесен начин да почнат да користат стилски листови без притоа да станат дизајнери. Преку додавање на еден линк во главата на вашиот документ, кога CSS прелистувачот ќе го сретне вашиот документ, ќе го доведе избраниот од вас стилски лист од серверот на W3C. Прелистувач кој не поддржува CSS ќе го прикаже HTML документот како што секогаш го прикажува.

За да почнете да ги користите Основните стилови на W3C, направете го следново:

Изберете го вашиот омилен стилски лист помеѓу осумте понуди: Chocolate (чоколоадо), Midnight (полноќ), Modernist (модернистички), Oldstyle (стар стил), Steely (челичен), Swiss (швајцарски), Traditional (традиционален), и Ultramarine (ултрамарин).

додајте LINK елемент во главите на вашите документи. Еве еден пример како да го направите тоа во HTML 4.01:

<!doctype html public '-//W3C//DTD HTML 4.01//EN'
  'http://www.w3.org/TR/html4/strict.dtd'>
<html>
  <head>
    <title>Document title</title>
    <link rel="stylesheet" href="http://www.w3.org/StyleSheets/Core/Modernist" type="text/css">
  </head>
  ...

или во XHTML 1.0:

<!DOCTYPE html PUBLIC '-//W3C//DTD XHTML 1.0 Strict//EN'
  'http://www.w3.org/TR/xhtml1/DTD/xhtml1-strict.dtd'>
<html>
  <head>
    <title>Document title</title>
    <link rel="stylesheet" href="http://www.w3.org/StyleSheets/Core/Modernist" type="text/css" />
  </head>
  ...

Проверете го HTML изворот на оваа страница за еден реален пример.

Основните стилови на W3C беа дизајнирани и имплементирани од страна на Тод Фарнер (Todd Fahrner) со помош од колеги од (од тоа време) Verso [врска од 1998]. Ова се’ уште е проект во развој за проучување на споделиви стилски листови преку Мрежата и ние ве охрабруваме да почнете да ги користите Основните стилови. Притоа, треба да го имате во предвид следново:

Повеќето HTML документи не се валидни според HTML спецификацијата. Невалидни документи, во комбинација со Основни стилови, може да дадат неочекувани резултати. W3C ви нуди начин како да ги валидирате документите. Исто така, за најдобри резултати, HTML обележувањето треба да биде непрезентативно (на пр. избегнувајте табели за нацрти, FONT етикети, прекумерна употреба на <BR> итн.) и структурно (на пр. користење на H1-H6 за наслови).
Почнувајќи од август 2002, има комплетни имплементации на CSS1, но на CSS2 се’ уште не. Повеќето имплементации имаат проблем да се справат со определени комбинации на особини/својства на CSS од определени елементи за обележување. Поради тоа, во преодната фаза користиме душкање (sniffing) на прелистувачите за да се осигураме дека не им се испраќаат стилски листови со кои не можат да се справат. Тоа работи на следниот начин: серверот на W3C открива кој прелистувач го користите (преку заглавното поле на HTTP Корисник-Агент) и ги отстранува модулите на стилски листови со кои вашиот прелистувач има проблеми. Ова решение ќе биде етапно повлечено со подобрувањето на поддршката на прелистувачите за CSS.
Основните стилови на W3C може да бидат променети со тек времето од технички или естетски причини. Сепак, генералниот изглед за секој од стилските листови ќе биде зачуван.

Берт Бос (Bert Bos), куратор на W3C.